റ്റിവി ചാനലുകളില് ഏഴാം ക്ലാസിലെ ചരിത്രപുസ്തകത്തെ ചൊല്ലി ഗുസ്തി നടത്തുന്നവര്ക്കറിയില്ലല്ലോ സ്വയം ഭോഗത്തിന്റെ ആദ്യപാപവും പേറി നടക്കുന്ന ഏഴാം ക്ലാസുകാര്ക്ക് ചരിത്രത്തോടുള്ള അവജ്ഞ. മിനാരങ്ങളുണ്ടാക്കിയതും റോഡുകള് വെട്ടിയതും അക്ബറാണോ ഔറംഗസീബാണോ എന്നത് പരീക്ഷക്ക് ചോദിച്ചാല് മാത്രമേ പ്രസക്തമാകുന്നുള്ളൂ. പരീക്ഷക്കെന്തിന് ടെക്സ്റ്റ് ബുക്ക്? ലേബര് ഇന്ത്യ ഉണ്ടല്ലോ. ടെക്സ്റ്റ് ബുക്ക് മാറ്റിയാലും ഇല്ലെങ്കിലും ചരിത്രത്തിന്റെ വാല് വളഞ്ഞുതന്നെ ഇരിക്കും. ചരിത്രം പ്രവചനാതീതമാണെന്ന് റഷ്യയില് (വേറെയെവിടെ) ഒരു പറച്ചിലുണ്ടെന്ന് കേള്ക്കുന്നു. ഈ വിവാദവും എളുപ്പത്തില് ചരിത്രമാകട്ടെ എന്ന് അവശേഷിക്കുന്ന ആള്ദൈവങ്ങളുടെ അടുത്ത് പോയി നമുക്ക് പ്രാര്ത്ഥിക്കാം.
No comments:
Post a Comment